लक्ष्मी कवच
%20copy.png)
लक्ष्मी कवच
श्री नारायण उवाच
सर्वसम्पत्प्रदस्यास्य कवचस्य प्रजापति: |
ऋषिश्च्छन्दश्च बृहति देवी पद्मालया स्वयम् ||
धर्मार्थकाममोक्षेषु विनियोगः प्रकीर्तितः |
पुण्यबीजं च महतां कवचं परमाद्भुतम् ||
ॐ ह्रीं कमलवासिन्यै स्वाहा मे पातु मस्तकम् |
श्रीं मे पातु कपालं च लोचने श्रीं श्रियै नमः ||
ॐ श्रीं श्रियै स्वाहेति च कर्णयुग्मं सदाऽवतु |
ॐ ह्रीं श्रीं क्लीं महालक्ष्म्यै स्वाहा मे पातु नासिकाम् ||
ॐ श्रीं पद्मालयायै च स्वाहा दन्तं सदाऽवतु |
ॐ श्रीं कृष्णप्रियायै च दन्तरन्ध्रं सदाऽवतु ||
ॐ श्रीं नारायणेशायै मम कण्ठं सदाऽवतु |
ॐ श्रीं केशवकान्तायै मम स्कन्धं सदाऽवतु ||
ॐ श्रीं पद्मनिवासिन्यै स्वाहा नाभिं सदाऽवतु |
ॐ ह्रीं श्रीं संसारमात्रे मम वक्षः सदाऽवतु ||
ॐ श्रीं श्रीं कृष्णकान्तायै स्वाहा पृष्ठं सदाऽवतु |
ॐ ह्रीं श्रीं श्रियै स्वाहा मम हस्तौ सदाऽवतु ||
ॐ श्रीं निवासकान्तायै मम पादौ सदाऽवतु |
ॐ ह्रीं श्रीं क्लीं श्रियै स्वाहा सर्वाङ्गं मे सदाऽवतु ||
प्राच्यां पातु महालक्ष्मीराग्नेय्यां कमलालया |
पद्मा मां दक्षिणे पातु नैऋत्यां श्रीहरिप्रिया ||
पद्मालया पश्चिमे मां वायव्यां पातु श्रीः स्वयम् |
उत्तरे कमला पातु ऐशान्यां सिन्धुकन्यका ||
नारायणेशी पातुर्ध्वमधो विष्णुप्रियाऽवतु |
सततं सर्वतः पातु विष्णुप्राणाधिका मम ||
इति ते कथितँ वत्स सर्वमन्त्रोघविग्रहम् |
सर्वैश्वर्यप्रदं नाम कवचं परमाद्भुतम् ||
सुवर्णपर्वतं दत्त्वा मेरुतुल्यं द्विजातये |
यत् फलं लभते धर्मी कवचेन ततोऽधिकम् ||
गुरुमभ्यर्च्य विधिवत् कवचं धारयेत्तु यः |
कण्ठे वा दक्षिणे बाहौ स श्रीमान् प्रतिजन्मनि ||
अस्ति लक्ष्मीर्गृहे तस्य निश्चला शतपुरुषम् |
देवेन्द्रैश्चासुरेन्द्रैश्च सोऽवध्यो निश्चितं भवेत् ||
स सर्वपुण्यवान् धीमान् सर्वयज्ञेषु दीक्षितः |
स स्नातः सर्वतीर्थेषु यस्येदं कवचं गले ||
यस्मै कस्मै न दातव्यं लोभमोहभयैरपि |
गुरूभक्ताय शिष्याय शरणाय प्रकाशयेत् ||
इदं कवचमज्ञात्वा जपेल्लक्ष्मीं जगत्प्रसूम् |
कोटिसंख्यप्रजप्तोऽपि न मन्त्रं सिद्धिदायकः ||
|| अस्तु ||
This comment has been removed by the author.
ReplyDeleteshukra dwara vaman stuti netra rog upload karein
ReplyDelete