नारायण कृत तुलसी माहात्म्य | Tulasi Stotram |

 

नारायण कृत तुलसी माहात्म्य 

नारायण कृत तुलसी माहात्म्य 

नारायण उवाच 

अन्तर्हितायां तस्यां च गत्वा च तुलसीवनम् | 

हरिः सम्पूज्य तुष्टाव तुलसीं विरहातुरः || 

श्री भगवानुवाच 

वृन्दरूपाश्च वृक्षाश्च यदैकत्र भवन्ति च | 

विदुर्बुधास्तेन वृन्दां मत्प्रियां तां भजाम्यहम् || 

पुरा बभूव या देवी त्वादौ वृन्दावने वने | 

तेन वृन्दावनी ख्याता सौभाग्याँ तां भजाम्यहम् || 

असंख्येषु च विश्वेषु पूजिता या निरन्तरम् |

तेन विश्वपूजिताख्यां जगत्पूज्यां भजाम्यहम् || 

असंख्यानि च विश्वानि पवित्राणि यया सदा | 

तां विश्वपावनीं देवीं विरहेण स्मराम्यहम् || 

देवा न तुष्टाः पुष्पाणां समूहेन यया विना | 

तां पुष्पसारां शुद्धां च दृष्टुमिच्छामि शोकतः || 

विश्वे यत्प्राप्तिमात्रेण भक्तानंदो भवेद् ध्रुवम् |

नंदिनी तेन विख्याता सा प्रीता भवताद्धि में || 

यस्या देव्यास्तुता नास्ति विश्वेषु निखिलेषु च | 

तुलसी तेन विख्याता तां यामि शरणं प्रियाम् ||

कृष्णजीवनरुपा च शश्वतप्रियतमा सती | 

तेन कृष्णजीवनीति मम रक्षतु जीवनम् || 

|| प्रकृतिखण्डे नारायणकृत तुलसी स्तोत्र सम्पूर्ण ||