धनदा देवी स्तोत्र
 |
| धनदा देवी स्तोत्र यथातः सम्प्रवक्ष्यामि धनदां सर्वसिद्धिदाम् | यामाराध्य महादेवि कुवेरो धननायकः || १ || दान्तं विन्दुसमारूढं महामायां हरिप्रियाम् | रतिप्रिये ततः पश्चाद् वह्निजायां ततः प्रिय || २ || नवाक्षरो महामंत्रो द्रुतं सिद्धिप्रदायकः | कुवेरोऽस्य ऋषिःप्रोक्तंःपड़िक्तश्छंदे उदहृतम् || ३ || देवता धनदा देवी सर्वसिद्धि प्रदायिनीं | धर्मार्थकाममोक्षाख्यश्चतुर्वर्गफलप्रदा || ४ || षड्दीर्घमायया चैव शडंगन्यासमाचरेत् | ध्यानमस्याः प्रवक्ष्यामि येन सिद्धी भवेन्नरः || ५ || ओं देवीं कांचनकांतिकायविमलां रक्तां शुकाच्छादितां | हेमाम्भोजयुगाभयाङ्कुशकरीं रत्नोल्लसत्कुण्डलाम् || ६ || सर्वाभीष्टफलप्रदां त्रिनयनां नागेन्द्रहारोज्ज्वलां | वन्दे सर्वभयापहां त्रिजगतां पापापहारीं पराम् || ७ || स्वकीयात्मस्वरुपां तां भावयेच्चित्स्वरुपिणीम् | एवं ध्यात्वा महेशानि मानसः पूजनं चरेत् || ८ || अर्घ्यपात्रं स्थापयित्वा धेनुयोनिं प्रदर्शयेत् | पीठपूजां ततः कृत्वा ततः पीठन्तु संजपेत् || ९ || आधारशक्तिमारभ्य जपेत्यद्मासनं प्रिये | प्रणवादिनमोऽन्तेन पूजयेत्साधकाग्रणीः || १० || पुनर्ध्यात्वा महेशानि मूलेनावाहनं चरेत् | षडंगेन च सम्पूज्य जीवन्यासं समाचरेत् || ११ || देवायै च ततः पश्चाद्योगात्मकमनुस्मरेत् | नवयोन्यात्मकं चक्रं विलिखेत् कार्णकोपरि || १२ || द्विदलं पद्ममालिख्य चतुरस्त्रं ततो बहिः | कोणेषु वज्रं संलिख्य मध्ये बीजं समुल्लिखेत् || १३ || इदं यन्त्रं महेशानि साक्षाद् देवीस्वरुपकम् | लक्ष्मी पद्मां पद्मालयां श्रियं चैव हरिप्रियाम् || १४ || शंखां तु कमलां चैव अब्जां च चंचलां तथा | लोलां च प्रणवाद्येता नमोऽन्तेन प्रपूजयेत् || १५ || पुनर्मध्ये ततो देवीं देव्या हस्ते समर्पयेत् | प्राणायामं ततः कृत्वा प्रणामाष्टांगमाचरेत् || १६ || अथोत्थाय महेशानि विशेषार्ध्यं निवेदयेत् | आत्मसमर्पणं कृत्वां विहरेच्च निजेच्छया || १७ || || अस्तु || |
Tags:
Stotra