गायत्री कवच
 |
| गायत्री कवच |
अस्य श्रीगायत्रीकवचस्तोत्रमंत्रस्य ब्रह्म - विष्णु -
महेश्वरा ऋषयः, ऋग् -
यजुः - साम अथर्वाणि छन्दांसि, परब्रह्मस्वरुपिणी गायत्री देवता,
तद् बीजम्, भर्गः शक्तिः धियः
किलकम्, मोक्षार्थे जपे विनियोगः |
ॐ तत्सवितुर्बह्मात्मने हृदयाय नमः |
ॐ वरेण्यं विष्ण्वात्मने शिरसे स्वाहा |
ॐ भर्गो देवस्य रुद्रात्मने शिखायै वैाषट् |
ॐ धीमहि ईश्वरात्मने कवचाय हुम् |
चतुर्भिहृदयं प्रोक्तं त्रिभिर्वर्णैः शिरः स्मृतम् |
चतुर्भिः स्याच्छिरवा पश्चात् त्रिभिस्तु कवचं स्मृतम् ||
चतुर्भिर्नेत्रमुद्दिष्टं चतुर्भिः स्यात्तदस्त्रकम् ||
मुक्ता - विद्रुम - हेम - नील - धवलच्छायैर्मुरवैस्त्रीक्षणैर
युक्तामिन्दुकला - निबद्धमुकुटां तत्त्वार्थवर्णात्मिकाम् |
गायत्रीं वरदा - भयांकुशकशाः शुभ्रं कपालं गुणम्
शङ्खं चक्रमथारविन्दयुगलं हस्तैर्वहन्तीं भजे ||
|| अथ कवचं ||
गायत्री पूर्वतः पातु सावित्री पातु दक्षिणे |
ब्रह्मसंध्या तु मे पश्चादुत्तरस्यां सरस्वती || १ ||
पार्वती मे दिशं रक्षेत् पावकी जलशायिनी |
यातुधानी दिशं रक्षेद् यातुधानभयंकरी || २ ||
पावमानी दिशं रक्षेत् पवमान विलासिनी |
दिशं रौद्रीं च मे पातु रुद्राणी रुद्ररूपिणी || ३ ||
ऊर्ध्वं ब्रह्माणी मे रक्षेदधस्ताद् वैष्णवी तथा |
एवं दश दिशो रक्षेत् सर्वांगं भुवनेश्वरी || ४ ||
तत्पदं पातु मे पादौ जंघे मे सवितुः पदम् |
वरेण्यं कटिदेशे तु नाभिं भर्गस्तथैव च || ५ ||
देवस्य मे तद् हदयं धीमहीति च गल्लयोः |
धियः पदं च मे नेत्रे यः पदं मे ललाटकम् || ६ ||
नः पातु मे पदं मूर्ध्नि शिखायां मे प्रचोदयात् |
तत्पदं पातु मूर्धानं सकारः पातु भालकम् || ७ ||
चक्षुषी तु विकारार्णस्तुकारस्तु कपोलयोः |
नासापुटं वकारार्णो रेकारस्तु मुखे तथा || ८ ||
णिकार ऊर्ध्वमोष्ठं तु यकारस्त्वधरोष्ठकम् |
आस्यमध्ये मकारार्णो र्गोकारश्चुबुके तथा || ९ ||
देकारः कण्ठदेशे तु वकारः स्कन्धदेशकम् |
स्यकारो दक्षिणं हस्तं धिकारो वामहस्तकम् || १० ||
मकारो हृदयं रक्षेद्धिकार उदरे तथा |
धिकारो नाभिदेशे तु योकारस्तु कटिं तथा || ११ ||
गुह्यं रक्षतु योकार ऊरु द्वौ नःपदाक्षरम् |
प्रकारो जानुनी रक्षेच्चोकारो जंघदेशकम् || १२ ||
दकारं गुल्फदेशे तु यकारः पदयुग्मकम् |
तकारो व्यंजनं चैव सर्वांगे मे सदाऽवतु || १३ ||
इदं तु कवचं दिव्यं बाधाशतविनाशनम् |
चतुःषष्टिकलाविद्यादायकं मोक्षकारकम् || १४ ||
मुच्यते सर्वपापेभ्यः परंब्रह्माधिगच्छति |
पठनाच्छ्रवणाद्धापि गोहसस्त्रफलं लभेत् || १५ ||
|| इति गायत्रीकवचं सम्पूर्णम् ||